مشكلتي أهواه وحبه مجنني

[size=21]الجزء الثاني

اليوم الثاني الكل طلع من البيت من الصبح قابضين طريق العديد ..
................................


احب البر والمزيون واحب البدو والاوطان

في سيارة سعيد كان حمد جالس قدام.. ووراى فطوم وعوشه وشيخه ووراى كلش عاليه وفهد ..
فطــووم وهي تصارخ على شيخه : شيخووه عطيني الايس كريم فهود شاريه لي ..
شيخوه : حلمي به لو الموت ما بعطيج ..
عاليه : فطوم تبغين ايس كريم عندي ..
فطوم وهي تشوف شيخه : ايه عطيني عليووه فديتج والله .. انا ما اخذ من المينونه شيخوه مدري متى بتصير نفسج ..
سعيد انزعج: فطووم شو انتي بالعه راديو والا شو ؟! ..
الكل ضحك عليها ..
فطوم سكتت لانها انجرحت من كلامه ولانه خلاهم يضحكون عليها وهي طول الطريق ساكته ( هذا طبع فطوم اذا انجرحت تسكت والكل يعرف انها مجروحه لانها مااشاء الله ماتسكت كلش دوم مرتبشه ) .. سعيد حس فيها انها انجرحت منه ..
سعيد : يوووي ما في بترول بتصل في حموود

ترن ترن ترن

محمد : الووو
سعيد : حموود انتوا كملوا طريقكم انا بوقف صوب محطة السيلين سيارتي ما فيها بترول
محمد : اوكي حنا بنروح ما بنوقف
سعيد : يلاا مع السلاامه
محمد : مع السلاامه ..

فالمحطه نزل سعيد لانه شاف ارفيقه وخلى الهندي يعبي بترول

فالسياره ..
حمد يبغي فطوم تتكلم : فطوم شوفي دراجات هالمحل شفتيهم؟
فطوم : شفتهم ..
حمــد : مره استأجرنا منهم بانشي انا وارفيقي .. ارفيقي الخبل قالي عطني بانيشك وخذ البانشي الايجار .. وانا المسكين خذتها ورحنا السيلين وستعرضنا وحاله .. وفجــأه الصدمه الكبرى المكينه تشب علينا وتخترب عاد يوم رديناها الريال لازم يجربها الا شافها ما تشتغل والمكينه محترقه قال يبغي تعويض زياده على التأمين عطيته التعويض وارفيقي يضحك علي ويقولي تستاهل ليتهم خسروك مليون عشان اشوف السلفيات فالبنك هههههههههه والاسبوع الثاني راح مع ارفيقه وصار له نفس اللي صارلي ودفع تعويض خخخخخخخخ جلست اتطنز عليه نفس ما سوى لي هههههههههههههههههههههه

فطووم وببرود : اهاا
الكل انصدم من ردت فعل فطووم

سعيد دخل السياره : وش بلاكم سكتوا مره وحده يلاا بنروح شكلهم اوصلوا وحنا للحين فالمحطه ..
حمد معصب من فطووم : يالله حرك تراني مليت من ناااس يتكلمون ببرود ..
سعيد ما يدري عن شي : منو هالناااس ياحمد ؟؟
حمد وهو يتكلم من طرف خشمه : يعرفون نفسهم..
فطوم ما استحملت ويلست اتصيح
سعيد وهو منصدم : وش السالفه ؟؟ وش فيكم ..
الكل ساكتين ..
سعيد بدى يعصب : بتقولون وش السالفه والا ..
فطووم وهي تصييح : سعيد ولي يخليك اتصل حق حموود بروح معه ..
سعيد وهو معصب : انتي شو جنيتي هم بعيد عناا وين تروحين معاهم ..





وفجــأه ..













تلف سياره على سعيد .. وسعيد ما قدر يوازن نفسه ويلف على الرمل ويتبطل التيدر عليه وينزل تحت السياره صوب خزان البتروول وكان خطوه ويضرب خزان البترول بس الله سلم كانوا بيروحون فيها ..


سعيد وحمد انزلوا من السياره بسرعه قبل لا ينزلون الباانشيات على جامة السياره من ورى لانه التيدر نزل تحت السياره ..

وبعد ما عدلوا كل شي .. وكلموا الريال اللي لف عليهم دخلوا السياره شافوا البنات يصيحون..
سعيد مبتسم: يالدلوعات بسكم صيااح حمدوا ربكم انه التيدر ما تحرك خطوه والا كنه بروح فيها ..

البنات سكتوا ..

فطووم : سعيد ليش كنه بروح فيها؟؟
سعيد وهو يشوفها من المنظره : لانه ربي يسلمج التيدر كان خطوه وينزل صوب خزان البترول واذا ضرب كانت بتنفجر السيااره ..
عاليه شهقت بالقو : شوووو كانت بتنفجر السياره ..
شيخه : انتي وش فيج وش يقولج الريال من مساااع حمدي ربج بس
عاليه : الحمدلله ..

وبعد مرور الوقت اتصل محمد على سعيد ..

سعيد : الوووو
محمد : هلا وينكم وين وصلتوا ..
سعيد : حنا قريب العديد ..
محمد : ترى حنا وصلنا ونزلنا غشارنا واخترت مكان قريب البحــر والمكاان فاضي ما فيه حد حذالنا ..
سعيد : لا وصلتوا يعني حنا تعطلنا شوي بعدين بخبرك بسالفه تراها طويله ..
محمد : اوكيه يالله هالله هالله بالطريق ..
سعيد : اوكيه يلاا مع السلاامه
محمد : مع السلاامه
سكر سعيد من محمد

سعيد : يقولي هالله هالله بطريق ياحليلك ياحمود ما تدري وش صار ..
وبعد ساعه وصل سعيــد صوب الاهل .. ونزلوا اللي بسياره والكل عرف بسالفه كانوا الشباب والشياب جالسين بصوب والبنات بصوب والحريم بصوب واليهال يلعبون ..

سعيد رايح صوب امه كانت ام محمد تطبخ الغدى هي وام سلطان ..
ام سعيد تتكلم والدموع في عينه : بسم الله عليك حبيبي عسى ما صار بك شي فديت روحك ..

سعيد يقعد ويحط راسه في حضن امه وامه تلعب بشعره : لا فديت روحج امي ما صار بي شي الحمدلله .. بس تعبااان وجسمي مكسر من امس ما رقدت وقابض هالطريق اللي يتعب ..
ام سعيد : فديت روحك والله
سعيد قام بسرعه باس امه على خدها ورد مكانه ..

ام سالم : الحمدلله على سلامتك يالغالي ..
سعيد وهو مبتسم : الله يسلمج

في ذا الوقت كانت شيخه وعوشه وفطوم جاين صوب الحريم ..
سعيد من شاف فطوم غمز لها عشان جرحها ويبغيها ترضى وكان مبتسم عوشه وشيخه انتبهوا وانفجروا من الضحك وفطوم معصبه من حركت سعيد ..




وراحت عنهم صوب سيارة محمد .. وحمد كان جالس صوب السياره فـ يوم شافها قاعده بروحها .. قال وهو يضحك بستهزاء : ليش يالشيخه جايه هني مهب قاعده عند البنات ليكون اكرهوج من سوالفج وبرودج الخايس ..

كان محمد رايح صوب سيارته وسمع حمد وش قال حق فطوم عصب حده وراح صوب حمد
محمد : لا والله ياحمد وش هالاسلوب الخايس اللي تكلم فيه البنت هااا ..
حمد انقفط وقال : السموحه منــك يامحمد ..

محمد شافه بنظره وهز راسه ولتفت صوب فطوم .. فطوم كانت ساكته وما تكلمت ولا قالت شي

محمد : فطووم ليش جايه هني روحي اقعدي مع البناات ..
فطـوم : لا ما ابغي بروح انسدح في سيارتك ظهري يعورني ..
محمد : اهااا سلامتج يالغاليه ..
فطوم : الله يسلمك ..

راح محمد صوب الشباب ..
محمد : هاا شكلها السوالف ما خذه وقتكم يعني ما بنركب البانشيات ؟؟
سلطاان : لا لا الا هذي الشي اهم شي الدراجات يلاا قوموا شباب الى البانشيات سرى .. ورايح صوب البانشي وهو يمشي مشيه عسكريه

الشباب :ههههههههههههههههههههههه

الكل ركب بانشيه..
محمد يكلم احمد ولد عمته شمسه : احمدووو تتسابق ..؟؟
احمد : ايه بتسابق معاك .. وش رايك نسوي تحدي كل ثنين مع بعض
محمد : والله فكره حلوه بروح اخبرهم ..

راح محمد صوب الشباب وخبرهم الكل وافق ..
محمد : اسمعوا اول شي انا واحمد .. عقب حميد و سلطان .. عقب سعيد اخوي مع حمد .. عقب سعيد وسالم وبس ..
فيصل : لا والله وانا وعزوز مب بس انتوا ..
عبدالعزيز : ايه والله شو تتحسبونه يهاال
محمد : خلاااص بس انا مهب المسؤول اذا صار فيكم شي لا سمح الله ..
سلطاان : شو انت خبل تخليهم يتسابقون لا لا مافي انتوا يهاال بعدين بيعصبون علينا حناا ..
عبدالعزيز :افففففففففف شو هالحاله انزين سألتو عمي عامر اذا يبغي يتسابق والا لا ..
احمد : ايه والله كيف نسينا بروح اخبر خالي عامر وبرجع ..


راح احمد صوب خاله بس مالقاه عند الشياب .. راح صوب الحريم ( احمد من عادته يستحي من الحريم وبناات العايله بدرجه فضيعه ) ..

احمد : احم احم
الريم بنت محسن انتبهت حق احمد : هلا احمد بغيت شي
احمد وهو منزل راسه : ااااا ممكن تنادين لي مهره..
الريم وهي مبتسمه : ان شاء الله .. وراحت تنادي مهره
احمد يكلم روحه : افففففف وش هالحاله الحين البنت هي اللي تستحي من الريال هب الريال يستحي من البنت .. بس انا استحي من بنات العايله الباااقي عادي خخخخ والله حاله شكلي بجن هههه

شوي الا تجي مهره : هلا احمدوو شو تبغي ؟؟
احمد : روحي قولي حق خالي عامر حمووود ولد خالي عبدالله يبغيه بكلمة راس .. يلااا بسرعه
مهره : بس خالوو مهب موجود اهني
احمد : يعني وين اففففف ماشفتيه تعبت وانا ادوره ..
مهره : شفته مع يدوو رايح يمشي معااه ..
احمد : اهااا انزين خلاص ..

وراح صوب الشباب وقال لهم انه اغسلوا ايدكم من خالي عامر لانه مع يدوو ..


بعد 5 دقايق محمد يقول حق اخوه فهد : فهووود روح ناد البنااات احم احم خلي يشوفونه هههههه
فهد : افااا عليك يا بوجسوم الحين اروح اناديهم كلهم
احمد بندفااع : لا لا بس خواتي.
الكل : ضحك على احمد ..
سلطان : ابغي اعرف انتوا شو مسوين بك بنات العايله ههههههههههههه
احمد : احلف بس اصلن شو قايلين لك استحي من بناات هم اللي يستحون مني ..

سعيد وهو يعدل شعره : العكس صحيح ..
الشباب : ههههههههههههههههههههههههه
احمد عصب وراح عنهم وقال : تسابقوا انتوا بروحكم ما ابغي العب معاكم

محمد :افاااااااا ما هقيتها منك تخلين روحي محد يتسابق معااي .. ويسوي حركات يهال : خلاااص انا ذعلاان
احمد وهو يضحك : فديت الزعلاان انت حبيبي كيف ما العب معااك
سعيد : لا والله يالسراق تسرق حبيبي مني ..
احمد : وش تبغي هذي حبيبي انا بس
سعيد : هو حبيبيك بس انا توم روحه ويك ويك ويك
سعيد ولد عبدالله : ول اشتغلت الغيره من قدك يا حمود يتهاوشون عليك هههههههه
الكل :هههههههههههههههههه


شوي الا سعود جاي ركض من صوب البناات
سعود : يالله جاهزين البنااات فالطريق جاين خبرتهم ..
احمد : شووووووووو
الشباب :هههههههههههههههههههههههههههههههه

ويعد 5 دقايق بدوا السباق ..
محمد فاز على احمد .. وسلطان فاز على حميد ..
و سعيد ولد عبدالله فاز على حمد .. والحين جا دور سعيد وسالم ..

سعيد رايح صوب البنات وماسك غرشة ماي مقلوبه اونه يسوي معاهم لقاء ..
سعيد وهو يصارخ : سيداتي سادتي سوف يبدأ السباق بعد قليل بين سالم بن نواف وسعيد بن خالد والان سوف نأخذ توقعات الجمهور العزيز ..

الكل ميت ضحك على سوالف سعيد ..

سعيد يشوف الريم وهو مبتسم لها: الريم بنت محسن .. توقعاتج ..؟؟
الريم : امممممممم انت اللي بتفوز وسلوم بيخسر .. السموحه منك سالم ..
سالم وهو مبتسم لها : لا عادي ..
سعيد : توقعاتج ياعوشه بنت خالد..
عوشه وهي تضحك : اممم سعيد العبيط بيفوز وسالم بيخسر
سعيد وهو متشقق : ثنين صفر .. توقعاتج يامهره بنت محمد ..
مهره : سالم بيفوز وانت بتخسر ..
سعيد راح صوب فطوم : توقعاتج .. بصوت خفيف : يا زعلانه عقب قال بصوت عالي: يافطوم بنت عبدالله ..
فطوم رافعه حاجبها :ما عندي توقعات يالدب ..
سعيد : لا لا لا مايصير لازم تتوقعين بصوت خفيف : ادري بتقولين اناا الي بفوز احم احم وهذا الحاجب يبغي له قص هههه ..
فطوم عشان تقهره: اتوقع واتوقع وان شاء الله يكون توقعي صح ان سالم بيفوز وانت بتخسر ..
سعيد انقفط ويهه بصوت خفيف : ارويج يالدبه الحين زعلانه بنخليج تسوين اللي تسوين بس بعدين بتتحسفين وبتقولين ليتني ما قلت هالتوقع هههه


وراح صوب شيخه :يامرحبا بشيخة الحريم وشيخة المزايين .. توقعاتج يالشيخه ..
شيخه وهي تضحك على خباال ولد عمتها بصوت خفيف : ذبحت البنت اونك تتكلم معها بالخفيف يمكن اللي في ازغوى اسمعوك ههههههه
سعيد انقفط ويهه للمره الثانيه
شيخه وهي تضحك : اتوقع انك انت بتفوز وسلووم بيخسر ..

وبعد ما خلص منهم كلهم ..
سعيد : اه ما كثركم يابناات ..
محمد كان ماسك غرشة بيبيسي : اذكر الله لا احذفك بالغرشه ..
سعيد : بسم الله كلتني .. ما شاء الله تبارك الرحمن ارتحت ..
محمد : لا لين ما اتاكد انه من قلبك ..
سعيد : يعني شو مينون اناا احسدهم
محمد :هههههههههههههههه

سعيد بصوت عالي : يالله اللي يشجعني يقول سعيد سعيد هو هو ويصفق اوكي

سالم بصوت عالي : واللي يشجعني يقول سلوووم سلووم هو هو ويصفق ههههههههه

سعيد وهو يركب البانشي ويكلم سالم : يالسراق هذي حركتي
سالم : ههههههه سلم عليها

محمد : يالله مستعدين ..
سالم وسعيد : يس ..
محمد : واحـــد .... ثنين ... ثالث يالله ..
كان سعيد فالمقدمه وسالم وراى.. .. سعيد التفت يشوف سالم اذا قريب والا بعيد عنه ما انتبه على شي كبير كان قدامه وانقلب بالبانشي ..

الكل اللي كانوا يشوفون السبااق وقف قلبهم وسالم على طول راح صوب سعيد ومحمد خلااص ما قدر يستحمل خذ بانشيه وراح صوبهم ..

سعيــد وهو يتألم : آآآآه سلوم لا تمسك يدي آآآه ..
محمد بخوف : الله يهداك يا سعيد يعني لازم تشوف وراك ..
سعيد وهو يتــألم: انا شو دراني انه هذا قدامي اااخ يدي احس انها انكسرت ..
ســالم وهو يشوف اللي جايهم من بعيد : بل رحنا فيها ..
سعيد مايدري عن شي : ليش ؟؟
محمد : ياولناا يدوو جاي صوبنا..
فز سعيد من على الارض
سعيد : لا تخبرونه شي اوكي بسوي نفسي عاادي ..

اليــد وهو يمشي صوبهم : عسـى ماشر يا عيال اشوف سعيد منسدح على الارض ..
سعيد وهو خايف .: يدوو لا بس كنت امثل اني ااا لا كنت منسدح عشان ..
ويقطعه اليد : لا تكذب ترى حبل الكذب قصير ..
سعيد منزل رااسه : السموحه منك يدوو .. ويروح يبوس راسه ..
اليد : يالله ما خبرتوني ليش كان منسدح ..
محمد : يدوو ما اعرف كيف اقولك بس
اليد : لا شكل في شي صايبكم وش فيكم بتتكلمون والا شو ..
اليد يسحب سعيد من يده المتعوره : مافي حد بيقولي الا المزيون سعيد
سعيد :آآآآآآآآخ يدوو يدي ..
اليد مستغرب :وش سويت بك اعوذ بالله مسكت يدك شوي بتصيح لا حول ولا قوة الا بالله .. وش انت مهب رجال ..
محمد وسالم يضحكون ..

سعيد : افااا يا يدو انا مهب رجال انا سعيد بن خالد.. وامي مريم بنت سعيد اطلع مهب رجال لا لا مايصير جدي رباني احسن تربيه ما يصير لا مايصير ..
اليد : هههههههههههههههه عيل وش بلاك جالس تصيح بس عشان مسكتك من يدك عسى مهب متعور؟؟..
محمد : اسمع يا يدوو سعيد انقلب بالبانشي ..
اليد : شو بانشي ؟؟
سالم يــأشر على الدراجه : هذي الدراجه
اليد : شووووووووو وليش تركب الدراجه يالمفعوص شو بايع عمرك .. ويلشطه بالخيزرانه ..
سعيد ينقز : آآه يدوو يعور كل من حمود هو اللي قالي
محمد : شووووو انا اللي قلت لك
اليد : يعني انت معه ..ويلشط محمد بالخيزرانه



من بعيــد كانوا البنات واقفات يشوفونهم لانهم كانوا خايفين على سعيد ..
شيخـه : شكل يدوو جالس يهاوشهم ههههههههههه
فطووم : يستاهلون خص سعيد ان شاء الله يلشط ..
عوشه : حراام عليج يالشريره اخوي شو سوى بج هههههههههههههه
شيخه انفجرت من الضحك :ههههههههههههههههههه الله يعلم شو سوى بها هههههههه انا اشوف قرونها طلعوا ههههههه
فطــووم : سخيييييييفه ..
شيخه : محد سخيف غيرج .هههههههههه
فطووم : هاهاهاها ما تنكتين ..
نوره وهي تصرخ من بعيد : شيخه ..
شيخه : هلا نواري ..
نوره : خالتي مريم تبغيج ..
شيخه وهي تقوم من على البسطه : اوكيه جايه


الريــم وهي تيلس حذال فطوم : فطووم وش بلاج ؟؟ ..
فطوم : خطيبج المصون يقهرني ..
الريم :ههههههههه منو خطيبي
عوشه : هييييي ليكون نسيتي انج حرم اخوي المصون
الريم : انا للحين ما استويت حرمه بعدين هو ما يبغين ولا يحبني ولا شي بس محيرني كذا وكل مطنشني ..
فطووم : حراام عليج يمكن يحبج بس ما يعرف كيف يعبر عن شعوره ..
عوشه : هيه صدقها فطوم يمكن ما يعرف يعبر عن شعوره ..
الريم بحزن : ما اتوقع لانه كلش ما يعبرني يعني خلاص حيرني نسى اني بنت عمه قبل كل شي ...انا اللي بسوي ما بتعلق به ولا شي يمكن يجي يوم ويخليني فطوم وعوشه حزنوا على حال الريم ..

الريم : انا اترخص منكم بروح عند امي يمكن تحتاجني ..
عوشه :انتبهي ترى في غرشه مكسوره هنااك وتاشر على المكاان ..
الريم : اوكيه ..
وراحت الريم وتمت فطوم وعوشه ..
فطووم : عوشه قومي خلينا نمشي هنااك صوب الطعوس ..
عوشه وهي تقوم : يالله


وهم يمشون ..
فطووم : تدرين ..
عوشه : شوو
فطوم : اخوج عديم الااحساس ..
عوشه : حراام عليج يا فطوم انتي ما تدرين شو في قلبه ..
عاد تلقينه يحبها ويحب الارض اللي تمشي عليهاا هو طبعه كذا ما يبين حق اللي يحبه انه يحبه حتى اللي يكرها ما يبين له انه يكرها .. كل مسوي نفسه عاادي ..
فطووم : على الاقل يبين لها اذا يحبها .. ليش محيرها دامه ما يحبها ومطنشهاا ..
عوشه : قلتيها بـ لسانج ليش محيرها دامه ما يحبها .. يعني اكيد هو ما حيرها الا انه يحبها ..
فطووم : مسكينه الريم عورت قلبي ..
عوشه : حتى اناا ..
فطووم : تدرين اني تجمدت يالله خلنا نرد صوبهم..
عوشه : هيه يالله نحن بعدناا وايد ..


ردوا وشافوا الشباب والشياب يصلون..
دخلوا الخيمه وشافوا البناات والحريم يصلون ..
فطوم بصوت خفيف : ياويلنا ..
عوشه : يالله بروح ..خلينا نصلي ..

بــعد الصلاه