من الحب ما قتل

أحبـك ومهـما قلتـها أبقى بخـيل أحبـك وان خـالفني في هواك الدهر
فـتني فيـك صوتك والعنق الطويل يا حبيب الأمس واليوم و مقابيل العمر

لك عيـونٍ كنـها شمـس الأصـيل كل مـن شافها ضيّـع طريقه ونقهر

وشعـرك من فـوق عينـك يسـيل كنّـه اللـيل فـي تـالي الشـهـر

وريقك الحـالي حفه الطيب العلـيل في مبسـمٍ حـوّط محـاسـين الدرر

مكمـله بخلقـها و المنطوق الجمـيل يـا لله يـا رب تكـفيـها الضـرر
أنـا وان غـديـت بهـا قـتـيـل وأن حجبها عن عيـوني غيـوم وقدر

ببقـى وليفـه مـا أبدل بـه بديـل هـذي حياتي كيف أبدلهـا يا بشـر

قليـل مـا قيـل صـدقـني قليـل كل مـا قيـل في حبك نقطه في بحر

أبسعى وكلّـي أمـل ألقى لك سبيل أبسعـى ولابد مـا تظهـر يـا قمر


عيشي عــلى جال الغـــدير ونعــــيمه

وخلّي المجروح يشقى في متاهاته

أنت لك الـراحــــه و الحيـــاة الكـــريمه

عيشي و غنّي له باقي وصاته

أنا شخـصٍ جـــملة أفــــراحه يتــــيمه
شخصٍ توسّد أسى والونّه غطاته

شخصٍ فبـه مـن الــقهر ألـف سيـــمه

شخصٍ ماجاته الدنيا على رجاته

روحي سقيــمه و جـــروحي أليــــمه

والوقــت فيــني تجـــنّـى بلـــسعاته

الآ وشلـــون أواجه أحــزانٍ مـــــديمه

وقلــبـي بالصبر قد أنهكت طاقاته

شكيت قلبٍ ماعرف من هو خصيمه

بكيت عمرٍ قضى والأفراح ماجاته

عيشـــي حياتك يـالفــــتـات الـــوسيمه

ولايهمك صاحبك فلأحزان عاداته