ياطيب القلب حكم قلبك الطيب ...

السلام عليكم ورحمة الله وبركاته
هاذي اول قصة لي واتمنى ان شاء الله تعجبكم ...
ولا تبخلون علي بالردود والاقتراحات .....
ما بطول عليكم

يا طيب القلب حكم قلبك الطيب

الجزء الاول

اليازية بنت اية من الجمال . . . . . .احلى ما فيها عيونها العسلية اللي تخلي الواحد ينسى عمرها يوم يشوفهن . . وهي بيضة وعيونها وساع وخشمها طويل والكل يشهد بجمالها هي احلى بنت في العايلة . . . اليازية البنت الوحيدة من بين اربع اولاد . . بما انها البنت الوحيدة فهي دلوعة البيت . . .

الجزء الاول
في العين الساعة اربع العصر

كانت اليازية يالسة في الحوي لان الجو كان ولا اروع وكانت تامل الجو ..... وخرب عليها التامل يوم شافت الماي مال الزراعة انجب ووصل لين برى الفلة عالشارع صرخت بسرعة : كماااااااااااااااااااال ( كمال هذا طباخهم ) كماااااااااال الحق الماي بسرعة .
ويربع كمال بسرعة من سمع صريخها عرف ان الماي انجب برع الين وصل الشارع وتلاحق عليه وبنده
اليازية: وين انت عنه ؟
كمال : لا في سوي قرقر زيادة انا روح شوية مطبخ بعدين انسى ماي
اليازية : لا والله وعلموك اتطول لسانك بعد عنلاتك يالخام . . بس هب منك من اسلام اباد من رابعته وانت مستقوي( اسلام اباد هذا هندي يرانهم اسمه اسلام وهي تسميه اسلام اباد)
وراح كمال المطبخ وهو يتحرطم. . . . وشوي ان فطامي بنت عمها يايه (فلل عمومتها كلهم على سيد واحد وبين كل فلة وفلة باب ) فطامي ربيعه اليازية الروح بالروح وكل وحدة ماتخبي شي عالثانية وهن في صف واحد . .
فطامي : الله يغربل هالحس عنبوه حسج واصل لين بيتنا
اليازية : والله كله من هذا كمالوه الهرم ( وخبرتها السالفة )
وفطامي وهي ناقعة ضحك : هههههههههههههههه عنبو مايسوى عليج
اليازية : والله كل من هذا اسلام
فطامي وهي تهدي عمرها من الضحك : اقول شو ذاكرتي ؟( الحلوات ثانوية عامة السنة)
اليازية : تخيلج لا تلوعين جبدي توها اماية ما عطتني محاضرة طويلة عريضة ذاكري وذاكري والله لاعت جبدي
فطامي : ههههههههه . . . الا سهيل وينه ما يذاكر ( سهيل هذا توام اليازية وهو ما شاء الله عليه جمال يطيح الطير من السماء ووايد يشابه اليازية وراعي سوالف وربشة من سوالفه تنسين همومج كلها بس هو وقت الجد جد )
اليازية : والله ما دله اظني الا هني يحوط. . . والله هالولد ما اظني بيفلح ما دام هاي حالته
اشوي وان رنج روفر ذهبية داخلة الفلة
وينزل منها ريال لابس كندورة كركمية وكاب وشعره الطويل والكثيف الاسود نازل من تحت الكاب ويجدم صوبهن وهو يبتسم ابتسامة ذابن منها البنات
اليازية : الحمدالله على السلامة خلاص طابت نفسك من الحواطة تفقدت احوال الرعية
فطامي : ههههههههههه حرام عليج يالدبة كله ولا ولد عمي الغالي عاد ما اسمحلج دخيلج شوفي هالعرضة والا هالشعر والله انك عذاب يا و لد عمي
سهيل وهو عايبنه حد يتمدح فيه: واااااااااااايا انا فديت بنت عمي وفديت منطوقها ياربي والله على هذي الرمسة الا اسير احوطج في العزبة الحين وعشيج هناك بعد
فطامي وهي تنقز : قول والله يلا يلا سرعة ( فطامي عادي ويا سهيل لانها رابيه وياه عادي تركب وياه تعتبره شرات اخوها وهو بعد )
اليازية : لا والله وانا
سهيل : خلي طنازتج تنفعج
ويلف عنها هو وفطامي سايرين صوب السيارة جان تربع اليازية تلوي على اخوها من ورا وتحبه على خده هي تعرف ان سهيل تعيبه هذي الحركات وهي مستغلة هذي النقطة فيه يوم تبى منه شي . . . .
فطامي : يالله يالتقردين عندج انتي
اليازية : فديت روحك سهولي ودني وياكم
سهيل وهو يضحك: فالج طيب امره ما طلبتي انتي كم يزوي نحن عندنا
اليازية ماصدقت سيدة ربعت وركبت جدام اول وحدة وخلت فطامي تركب ورى
فطامي : عنلاتج يالدبة ركبت جدام وخلتني ورى . . والله اصلا لولاي جان انتي الحين هب راكبة جدام
اليازية : ياااااااااااااااااه الحين بذلنا
وركب سهيل وهو يضحك عليهن وشغل المسجل وحط اغنية ميحد حمد طير الحمامي ويطول عالمسجل عالآخر والبنات مرتبشات وسارو صوب العزب اول خطفو على الدكان خذوا بيبسي وايسكريم وحلاوة لانها هاي كانت رغبة اليازية
وهم يالسين يتريون الدكان ايب السمان ووتوقف عدالهم من صوب اليازية رنج روفر ابيض وتفج الجامة وتصيحلهم هرن اليازية يوم صدت صوبه فجت عيونها جان يفج سهيل الجامة اللي صوب اليازية يبى يسلم عالريال
سهيل : هلا والله ببو شهاب شحاااااااااااالك
حمد وهو عينه على اليازية ( حمد ولد عم اليازية اخو فطامي عمره 21 وهو ما شاء الله عليه وسيم لدرجة فظيعة وحلو ما شاء الله على هالعايلة عندهم الاولا د يسكتون كل واحد احلى من الثاني ومعروفين ماشاء بجمالهم لدرجة ان نص بنات الفريج متخبلات عليهم وعلى جمالهم . . . ( حتى البنات بعد ماشاء الله عليهن ما عليهن كلام )
حمد : هلا فيك انا بخير تمام اشحالك انت
سهيل : والله ما نشكي باس الحمد الله
حمد : وين سايرين
سهيل : والله البنات حاشراتني يبن العزبة
فطامي: لا والله قول والله انت بس ( وتظرب سهيل على راسه ) منو الي حلف الا يوديني ايحوطني في العزبة ويعشيني هااااااااااه
حمد : والخيبة انت شو مركبنج بعد
فطامي وهي تفج الجامة اللي عندها عشان تكلم اخوها : والله ولد عمك الشيخ حلف الا يحوطني في العزبة ويعشيني انا عاد استحيت ارده
سهيل :اونج استحيتي
نقوا كلهم ضحك
حمد : الي يسمعج الكشتة بس لج انتي ولا جنه حد ساير وياج
يقصد اليازية يباها تتكلم
بس اليازية ساكتة مول ما تكلمت حمد اتوقع منها هذا لانها مب اول مرة دومها جيه وياه وهو مايعرف شو السبب......واهله محيرينها له بس هو ما يباها اوين ما يبى ياخذ وحدة من الاهل بس هي دوم تجافيه
فطامي: جانك تقصد اليازي هي اللي رازة بعمرها
سهيل : ياخي ذليتيها ما تسوى عليها السيرة ويصد صوب حمد ها ما بتخاوينا
حمد: لا لا مواعد ربيعي في المول بسيرله . . . الله يحفظكم انتو
وياب الدكان السمان
سهيل : يلا عيل فداعة الله
حمد : الله يحفظكم
وكملوا السيرة لين العزبة اول ما وصلوا على طول ربعن البنات على العرقوب لان كان شكله رهيب من بعد المطر امس وييلسن عليه وهن يضاحكن ويلهثن من الربعان وسهيل سار صو البانشي تقربت فطامي من اليازية وقالتلها : يزوي حبيبتي ليش جيه انتي
اليازية وهي فهمت قصدها :فطامي ليش انتي تعيدين السالفة من اول ويديد
فطامي :حرام عليج حمد ما يستاهل منج كل هذا انت ليش تعاملينه جيه ازين عاللاقل لو كلمج ردي عليه وكلميه عادي
اليازية :ليش عشان محيريني له تدرين ان هو ما يباني مغصوب عليه
ما قدرت فطامي ترمس لان سهيل ياهن فطامي او لما شافته ارتبشت ونست سالفة اليازية
فطامي :سهيل دخيلك ابى اركب
سهيل : لا لا وين تبين
فطامي : دخيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييييييييييييييييلك
سهيل : خيبة ما اطولها عنبو
اليازية : دخيلك سهولي فديت اخوي انا والله
سهيل : انزين ما عليه بس شوي ما فوقي وحدة تنجلب واروح انا فيها
اليازية : لا ان شاء الله ما بينا شي
سهيل: ما عليه وحدة وحدة
ركبت فطامي الاولى وطرجت وشيلتها طايرة
وسهيل واليازية ناقعين عليها من الضحك يوم خلصت الهانم من الحواطه يت عندهم
يزوي : جان ما يتي عنبو ما شبعتي
يت بتركب يزوي
سهيل : انا بسوق وانتي ركبي ورايه اخافج تنجلبين
يزوي: لا ما بنجلب اللي يسمعك عاد الحين اول مرة اركبها
سهيل : اوكي بس انا مالي خص اذا شي ياج
يزوي : اوكي
وركبت يزوي البانشي وتمت تلعبها وسهيل وفطامي قاعدين على العرقوب ويسولفون
سهيل : ههههههههههههه والله لو شفتي شكلج هههههههههههه قسم بالله يا تنقين من الضحك هههههههههههههههههه
فطامي : عاد خلاص عنبو اول مرة تشوف حرمة راكبة دراجة
سهيل : هههههههههههههههههههههه
وشوي يسمعون صرخة قوووووية فز سهيل من مكانه وتم يتلفت يدور اخته ومصدر صوتها وفزت وياه فطامي وما يشوفون الا تحت العرقوب الدراجة منجلبة وتوايرها بعدهن شاغالات ومايشوفون اليازية اللي كانت تحتها ويربع سهيل صوبها بلا حاسية وفطامي وراه
سهيل وهو متروع : قلتلج بتنجلبين ما سمعتي كلامي
ويطلع اخته من تحت الدراجة واللي كانت تصيح ويضمها لصدره ويلوي عليه بالقو اليازية وراسها في حظن اخوها تسمع دقات قلبه كيف سريعة وهي متلومة فيه لانها روعته عليه
سهيل وهو بعده متروع ويمسح دموعها : فديتج تانسين شي
اليازية وهي تبتسم عشان تريح اخوها : لا فديتك ما فيني شي
ارتاح سهيل سهيل وايد يحب اخته ويموت عليها وعلاقته باخته وايد قوية
فطامي : الله يغربل بليسج طيحتي قلوبنا
يزوي : سوري
سهيل : انا بسير ارد الدراجة محلها وبيب السيارة عشان انسير اتريني انتن هني
فطامي :لا والله ما تسوى علينا جلبتها مالي خص تحوطنا اول في السيح عقب نرد والعشاء خلاص تنازلنا عنه
سهيل : ههههههههه خلاص ما عليه وسار عنهن
يزوي : فطامي أي ظهري شوي يعورني همزيني
فطامي تروعت على ربيعتها صدق تموت عليها : قولي والله وايا فديتج يعله فيني ولا فيج وتهمزلها ظهرها شوي عقب يا سهيل وشلهن وحوطهن شوي في السيح عن خواطرهن عقب ردوا البيت . . .

اتريا ردودكم

للامانة منقول..........

تسلمييييييييييييين ااختي على ابدااااااااااااااااعج الرائع
تقبلي احتراااااااااااااامي

يسلمووووووووووووووووووووووووووووووووووووووووووووووووووووووووووووووو

واااااااااااااااااااااااااااااااااااااااااااااااااااااااااااايد حلووووووووووووووووووووووووووووووو

بصرااااااااااااااااااااااااااااااااااااحة رووووووووووووووووووووووووووعه