طفح كيل الحزن وانا وسط بحر الوجع غرقان..
رياح الصمت تعصف بي وتصرخ كل اطرافي..
وحيد وداخلي تسكن اماني مالها عنوان ...
صحيت اليوم لاكني احس الكون ذا غافي..
انا الهارب ويطردني سراب البعد والنسيان..
لبست الدرب او يعني عرفت ان الزمن حافي..
تخاويني كثير ادروب وتسافر بي كثير اوطان..
محطات الالم تعرف تقاسيمي واوصافي ...
عرفت الموج والساحل والريح والطوفان..
وعرفت البحر ولكن خذلني فيه مجدافي..
نبت فيني غصن الاسى ذابل وجنيت منه الحرمان..
سترت الجرح لكني عجزت اغطي اكتافي..
قضى عمري وانا ابحث عن الانسان في الانسان..
ادور عن بقايا شخص (..؟)يفضح سري الخافي بحبه..
ادور فرحتي وسط قشة الم واحزان..
ادور في الكون بقايا حضني الدافي..
ادور عن حياتي بين ضيق العمر والأكفان..
ادور شخص يبقى للمحبه وللوفا وافي..
ادور عمر مايعرف بعمره سيرة الاحزان..
ادور ليل اسكن به ويسكن داخل ألحافي..
سالت الليل من فينا قضى ليل العنا سهران..
طلبني في حسرة دخيلك كافي..
ومع اني خسرت الحلم ولكني وقفت بعزة الربحاااان..
الأحد أغسطس 03, 2008 3:44 pm
