حزن النبلاء

موضوع: حزن النبلاء الأحد أغسطس 03, 2008 3:27 pm

حزن النبلاء حزن النبلاء A8

الجرح ماهـو خاطـر شـوي ويـروق
الجـرح حتـى لـو تشـافـى يعلّـلـك

واذاك متحمـس متـاهـات وطــروق
أنـا تعبـت أشـد حيـلـي وأحـاولـك

سماي ماشي شمـس ورعـود وبـروق
والريـح ماهبّـت ولا يجـري الفـلـك

والقلب ناشف بحر .. وشقوقـه شقـوق
وشلـون بيـكـوّن سـحـاب ويبلّـلـك

ياظامي أنـا أظمـا .. ومتشبـع حـروق
واذاك ظامـي للمواصـل أنــا هـلـك

هلك .. ووقف في وجهي الأصل والذوق
والمجتمـع والعـرف والفقـر وأهـلـك

متعومـس .. وحـزن النبـلاء مرمـوق
يعني لـو أحتـاج لـك ماجيـت أسألـك

اللي علي أشكـي .. وأعاتبـك برفـوق
وأقـولـك ودي مـاعــاد أتـأمـلـك

مـن دورة الأيـام يـاخـوك مخـنـوق
الوقـت مشانـي مـن السلـك للسلـك

أزل خطـوه بـس مـا أزل منـطـوق
ولو صارت أبا أحب خشمـك وأجاملـك

يبقـى بنـي آدم مـجـرد ومخـلـوق
ملك .. ولكن فـي الحقيقـه بـلا ملـك

والناس عوق الناس .. والدرب مسبـوق
تتعب على أشياء ف الآخر ماهـي بألـك

كـذاب قايـل : كـل مطـرود ملحـوق
سنين وأنا أطردك وأزريـت لا أوصلـك

كنّـك تطيـش وكنـي أدور فـي طـوق
كل ماوصلت آخرك يطلـع لـي أولـك

ياليت ما في خاطـري شـوق وفـروق
ما كان حسيت ان أنـا بـس منـك الـك

الشوق ماهـو رعشـه وقبضـة عـروق
وماهو اللي من شينك ف عينـك يجمّلـك

وماهو شعـور يخالـج الـروح برفـوق
ولا هو سحر ولا أدري والله شاقول الك

كنّه سحابـة حلـم وتطيـر بـك فـوق
وتطـيـر .. ولا ودّك انـهـا تنـزلـك

الشوق هذا .. والا أنـا شوقـي البـوق
ماقد حصل في شـوق هـذي ولا تلـك

تدري وش أسوّي الى أضنانـي الشـوق
أســوي بعيـونـي كــذا وأتخيّـلـك

وأقربّـك واتـوق .. واتـوق .. واتـوق
وأكثّـرك وأحلـف مـا عـاد أقلّـلـك

وأصوّرك في الموق .. وتكبر على الموق
وتطيح مع دمعـي علـى ايـدي وأقبّلـك

هـذا غـلاي اللـي مـع الـدم مدقـوق
ولا عاد تسـأل عـن شعـوري بزعّلـك

محبـة ماهيـب مـن طـارف السـوق
لو انـك توكـل .. كـان والله لا آكلـك

جيتك حقوق ورحـت ماعنـدي حقـوق
وان قلت مـا أحبـك أبجحـد مواصلـك

أحبـك ؟ ألا يابـري حـالـي وعــوق
من كثـر ماحبـك أخـاف انـي أقتلـك

حزن النبلاء A8

موضوع: رد: حزن النبلاء الخميس أغسطس 07, 2008 5:25 am

صج انزين يسلمووو ع الموضوع

موضوع: رد: حزن النبلاء الأحد أغسطس 17, 2008 8:17 am

تسلمييييييييييييييييييييين حبيبتي على المروووووووور
اسعدني تواجدج على المرور