سكــــــــــــر وتوت

لبيه ياللي وحدك إن قلت لبيه ..
يذبحني لبيهكـ ويذبحني الصوت ..

وإن طاح قلبي ميتن فيكـ خليه ..
ياحي قلبـ(ن) طاح وياحيه الموت ..

ماقلت أحبكـ لأجل وقتـي أسليه ..
لا والذي نجـى نبيه من الحوت ..

والحب لو هو سر وأقدر اخبيه ..
ماقلـت أحبكـ حتى وشفاهي سكوت ..

لي ناظر(ن) ماغير شخصكـ يمليه ..
كأنكـ دواي وشوفتكـ طب منعوت ..

وإن ضاق بالي أذكر أسمكـ وأغنيه ..
وأتخيلكـ عل وعسى طيفكـ يفوت ..

أهواكـ وهمي كيف قلبكـ أهنيه ..
من كثر ما أسمكـ في هالقلب منحوت ..

حتى الخطأ لو جاني منكـ أمشيه ..
وإن ما مشى أخلق له أعذار وثبوت ..

وش الذي يخطر في بالكـ وأسويه ..
لو حتى في وسط البحر أبني لكـ بيوت ..

ياللي البحر لو جا في بالكـ تحليه ..
مريت صوبه وامتلأ سكر وتوت ..

لبيه ياللي لو طلبني ألبيه ..
للعاصمه حافي ولو دربه خبوت ..

لين أندهكـ يافلان وتقول لبيه ..
وأطيـح من طولي و يذبحني الصوت ..

أعجبتنـي ونقلتهـا لكـم